مخشي كوسا باللبن
أول شي لازم للمخشي حبات كوسا حجم صغير
بتحفري الكوسا
وبتغسليها وبتخليها على جنب
لتجهيز الحشوة والحشوة بنحط بصلتين مفرومين ناعم عالنار
مع شوية زيت بس تبلش تدبل بنزل عليها اللحمة المفرومة وبحط ملح وفلفل اسود وهال مطحون
وبودرة بصل وبودرة ثوم ورشة بهارات مشكلة او بهارات سبعة
وبس تبرد بحشي فيها حبات الكوسا
بعدين بسخن زيت نباتي عالنار وبقلي فيها الكوسا لتبلش تاخد لون دهبي بس ما يتغير لونها
كتير يعني يا دوب تاخد لون ازا ما بدكم بصير تنزلو حبات الكوسا بماء مغلي تسلقوها اول
نص سلقة بعدين بتنزلوها باللبن انا عني قليتهم اول..
بعدين اللبن بالخلاط حطيت قلن
لبن المراعي بالخلاط مع معلقة كبيرة نشا وسنين ثوم وبيضة هلا البيضة انا بحطها مشان
ما يفرط اللبن بدكم ما تحطوها برجع الكم وبخلطهم منيح بعدين بحطهم بطنجرة عالنار مع
التحريك المستمر لحد ما يغلى اللبن بس يغلى حطيت بكيت ماجي ونزلت حبات الكوسا خليتهم
يغلو شوي وطفيت النار عليهم وتقدم مع رز ابيض وصحتين وعافية ♡
اللي بدو يعمل قدحة للبن ثوم مع شوية زيت عالغاز
بقليهم بعدين بحطهم على وجه اللبن
0 التعليقات :
إرسال تعليق